არასამთავრობო ორგანიზაციების განცხადება კონფლიქტური ზონის მიმდებარე სოფლებში განვითარებულ მოვლენებთან დაკავშირებით

2013 წლის 29-31 მაისს გავრცელდა ინფორმაცია რუსეთის საოკუპაციო ძალის მიერ სოფელ დიცის, დვანისა და პერევის ტერიტორიაზე ცხინვალის რეგიონის საოკუპაციო ხაზის გასწვრივ მავთულხლართების გავლების ფაქტის შესახებ.

განსაკუთრებით აღმაშფოთებელია საქართველოს სამი მოქალაქის გატაცებისა და თავისუფლების უკანონო აღკვეთის ფაქტები, რასაც უკანასკელი დღეების განმავლობაში ჰქონდა ადგილი. მშვიდობიანი მოქალაქეების გატაცებისა და საოკუპაციო ხაზის გადმოწევის ფაქტები გვაფიქრებინებს, რომ კონფლიქტის ზონაში და მის მიმდებარე ტერიტორიაზე მცხოვრები მშვიდობიანი მოქალაქეების უსაფრთხოება და კონსტიტუციური უფლებები სრულიად უგულვებელყოფილია. კერძოდ, სახეზეა კონსტიტუციით გარანტირებული თავისუფალი გადაადგილებისა და სხვა სამოქალაქო და სოციალურ-ეკონომიკური უფლებების შეზღუდვა.

მოვუწოდებთ საოკუპაციო რეჟიმს, დაუყოვნებლივ გაათავისუფლოს საქართველოს მოქალაქეები და შეწყვიტოს საერთაშორისო სამართლის ძირითადი პრინციპებისა და 2008 წლის ცეცხლის შეწყვეტის შეთანხმებით აღებული ვალდებულებების დარღვევა.

მოვუწოდებთ საქართველოს ხელისუფლებას, გამოიყენოს მის ხელთ არსებული ყველა ადგილობრივი და საერთაშორისო მექანიზმი საქართველოს მოქალაქეების უსაფრთხოების დასაცავად.მოვუწოდებთ საერთაშორისო ორგანიზაციებს და დიპლომატიურ კორპუსს, უზრუნველყონ საერთაშორისო საზოგადოების ინფორმირება 2008 წლის ცეცხლის შეწყვეტის შეთანხმების პირობების დარღვევის, მოქალაქეების გატაცების ფაქტებისა და საქართველოს საზღვრის ოკუპაციის შესახებ.

სამართლიანი არჩევნებისა და დემოკრატიის საერთაშორისო საზოგადოება (ISFED)

საერთაშორისო გამჭვირვალობა – საქართველო (TI-G)

კონსტიტუციის 42-ე მუხლიადამიანის უფლებების სწავლებისა და მონიტორინგის ცენტრი (EMC)

საქართველოს დემოკრატიული ინიციატივა (GDI)

კომენტარის დატოვება

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s