[Skip to Content]
ENG
ENG

სიახლეების გამოწერა

ჩვენი გუნდი

ლინა ღვინიანიძე

ლინა ღვინიანიძე

აღმასრულებელი დირექტორი

ლინა EMC-ის ერთ-ერთი დამფუძნებელია. ის დაფუძნებიდან 2018 წლამდე იყო EMC-ის სოციალური პოლიტიკის პროგრამის დირექტორი და სხვა პროგრამების დირექტორებთან ერთად ხელმძღვანელობდა ორგანიზაციას. 2019 წლიდან არის EMC-ის აღმასრულებელი დირექტორი. ხელმძღვანელობს დირექტორთა საბჭოს, რომელიც  პასუხისმგებელია ორგანიზაციის მართვასა და განვითარებაზე. აღმასრულებელი დირექტორის ფუნქციებს ასევე განეკუთვნება ორგანიზაციის საქმიანობის კოორდინაცია, მისი საერთო ხელმძღვანელობა და  წარმომადგენლობა. ის დირექტორთა საბჭოსთან ერთად პასუხისმგებელია ორგანიზაციის პოზიციონირებაზე, მის ეფექტიან მართვასა და სტრატეგიულ განვითარებაზე. 

პროფესიული გამოცდილება

2013-2018: სოციალური პოლიტიკის პროგრამის დირექტორი, ადამიანის უფლებების სწავლებისა და მონიტორინგის ცენტრი (EMC);

2011–2013: საპარლამენტო მდივნის სამსახური -საქართველოს ახალგაზრდა იურისტთა ასოციაცია (GYLA);

2007–2010: იურისტი - საქართველოს ახალგაზრდა იურისტთა ასოციაცია (GYLA);

ის აგრეთვე, არის 15-მდე კვლევის/ანგარიშის ავტორი და ხელმძღვანელი, რომელიც შეეხება შრომით უფლებებს, უფლებას საცხოვრებელზე, შეზღუდული შესაძლებლობის მქონე პირთა უფლებებსა და რელიგიის თავისუფლებას, ასევე, გამჭვირვალობის, ანგარიშვალდებულებისა და კორუფციის წინააღმდეგ ბრძოლის საკითხებს. 

განათლება

2018-2019: განვითარება და ადამიანის უფლებები (მაგისტრის ხარისხი) - სვანსის უნივერსიტეტი (უელსი, დიდი ბრიტანეთი);

2010-2011: დემოკრატიული მმართველობისა და კანონის უზენაესობის მიმართულება (მაგისტრის ხარისხი) - ოჰაიოს ჩრდილოეთ უნივერსიტეტის სამართლის კოლეჯი (ოჰაიოს შტატი, აშშ);

2004-2008: სამართალმცოდნეობის ფაკულტეტი(ბაკალავრის ხარისხი) - ივანე ჯავახიშვილის სახელობის თბილისის სახელმწიფო უნივერსიტეტის;

მეტი
თამთა მიქელაძე

თამთა მიქელაძე

თანასწორობის პოლიტიკის პროგრამის დირექტორი

თამთა EMC-ის ერთ-ერთი დამფუძნებელია. ის დაფუძნებიდან EMC-ის დირექტორთა საბჭოს წევრია და სხვა პროგრამების დირექტორებთან ერთად ორგანიზაციას ხელმძღვანელობს. ის უშუალოდ პასუხისმგებელია თანასწორობის პოლიტიკის პროგრამის მართვასა და კოორდინირებაზე. პროგრამა ანტიდისკრიმინაციულ პოლიტიკასა და არადომინანტი ჯგუფების (რელიგიური და ეთნიკური უმცირესობების, ასევე ლგბტქი ადამიანების) ჩაგვრისა და პოლიტიკურ, სოციალურ და დისკურსულ დონეებზე მათი გარიყულობის საკითხებზე მუშაობს და  საქმიანობაში კვლევის, ადვოკატირების,  სტრატეგიული სამართალწარმოების და ცოდნის გადაცემის ინსტრუმენტებს იყენებს.  როგორც პროგრამის დირექტორი, მისი უშუალო ვალდებულებაა  პროგრამის სტარტეგიულ განვითარებაზე, ხედვასა და დღის წესრიგზე მუშაობა, ფინანსური რესურსების მობილიზაციის უზრუნველყოფა, პროგრამის თანამშრომლების საქმიანობის კოორდინირება და მხარდაჭერა. 

პროფესიული გამოცდილება

2015-დღემდე: ასოცირებული პროფესორი - ილიას სახელმწიფო უნივერსიტეტი

2009-2013: ადამიანის უფლებათა ევროპულ სასამართლოში სტრატეგიული სამართალწარმოების იურისტი და ადამიანის უფლებათა მკვლევარი - ახალგაზრდა იურისტთა ასოციაციაში;

2009: მრჩეველი - ეროვნული უშიშროების საბჭოში;

2005-2009: მრჩევლი-საქართველოს იუსტიციის სამინისტროს, ადამიანის უფლებათა ევროპულ სასამართლოში სახელმწიფო წარმომადგენლობის დეპარტამენტში.

თამთა არის 10-მდე კვლევის/ანგარიშის ავტორი/ხელმძღვანელი, რომელიც შეკრების და რელიგიის თავისუფლების, სეკულარიზმის, ლგბტი პირთა უფლებრივი მდგომარეობის, ანტიდისკრიმინაციული პოლიტიკის საკითხებს უკავშირდება. 

განათლება

2006-2008: სამართალმცოდნეობის ფაკულტეტი, საჯარო სამართლის მაგისტრი - ივანე ჯავახიშვილის სახელობის თბილისის სახელმწიფო უნივერსიტეტი;

2002- 2006: სამართალმცოდნეობის ფაკულტეტი, ბაკალავრი - ივანე ჯავახიშვილის სახელობის თბილისის სახელმწიფო უნივერსიტეტის.

მეტი
გურამ იმნაძე

გურამ იმნაძე

მართლმსაჯულების და დემოკრატიის პროგრამის დირექტორი

გურამი EMC-ის გუნდს 2013 წლიდან შემოუერთდა, ხოლო 2019 წლიდან არის დირექტორთა საბჭოს წევრი და სხვა პროგრამების დირექტორებთან ერთად ხელმძღვანელობს ორგანიზაციას. ის უშუალოდ პასუხისმგებელია მართლმსაჯულების და დემოკრატიის პროგრამის მართვასა და კოორდინირებაზე. პროგრამის მიზანია ქვეყანაში დემოკრატიული მმართველობის მხარდაჭერა, ადამიანის უფლებებზე დაფუძნებული, სამართლიანი და მაღალი სოციალური მგრძნობელობის მართლმსაჯულების სისტემის შექმნის ხელშეწყობა და მაღალი ანგარიშვალდებულების მქონე, ინდივიდების საჭიროებებზე ორიენტირებული სამართალდამცავი სისტემის შექმნა. ამ მიზნით, პროგრამა მუშაობს სასამართლოში, სამართალდამცავ ორგანოებსა და უსაფრთხოების სექტორში სისტემური რეფორმების მხარდაჭერაზე და აღნიშნული ინსტიტუტების შინაარსობრივ ტრანსფორმაციაზე, რათა უზრუნველყოფილი იყოს მეტად სამართლიანი, სოლიდარობასა და კეთილდღეობაზე ორიენტირებული მმართველობა. როგორც პროგრამის დირექტორი, გურამი პასუხისმგებელია პროგრამის პოლიტიკის, სტრატეგიისა და პოზიციონირების დაგეგმვასა და პროგრამის გუნდთან ერთად მის განხორციელებაზე. მის ფუნქციებს ასევე შეადგენს პროგრამის საქმიანობისთვის საჭირო ფინანსური რესურსების მობილიზება, პროგრამის გუნდის საქმიანობის კოორდინაცია, გუნდის მართვა და მისი წევრების მხარდაჭერა.

პროფესიული გამოცდილება

2019-დღემდე: მოწვეული პედაგოგი - ილიას სახელმწიფო უნივერსიტეტი;

2013-2018: მართლმსაჯულების და დემოკრატიის პროგრამის პროექტების კოორდინატორი - ადამიანის უფლებების სწავლებისა და მონიტორინგის ცენტრი (EMC);

2016-2018: დისტანციური მკვლევარი/ანალიტიკოსი - Human Rights Watch;

2013-2015: მართლმსაჯულების და დემოკრატიის პროგრამის იურისტი/მკვლევარი - ადამიანის უფლებების სწავლებისა და მონიტორინგის ცენტრი (EMC).

გურამი არის 10-მდე კვლევის/ანგარიშის ავტორი/თანაავტორი, რომლებიც უკავშირდება სამართალდამცავი სისტემის ინსტიტუციურ რეფორმებს, პოლიციის პოლიტიკურ ნეიტრალიტეტს, დამოუკიდებელი და გამჭვირვალე მართლმსაჯულების განვითარებას, ნარკოპოლიტიკას და უსაფრთხოების სისტემას.

განათლება

2018-2019: სისხლის სამართალი და კრიმინოლოგია (მაგისტრის ხარისხი) - სასექსის უნივერსიტეტი (ინგლისი, დიდი ბრიტანეთი);

2013-2015: სისხლის სამართალი (მაგისტრის ხარისხი) - ივანე ჯავახიშვილის სახელობის თბილისის სახელმწიფო უნივერსიტეტი;

2009-2013: სამართალმცოდნეობა (ბაკალავრის ხარისხი) - ივანე ჯავახიშვილის სახელობის თბილისის სახელმწიფო უნივერსიტეტი.

მეტი
კოტე ერისთავი

კოტე ერისთავი

სოციალური პოლიტიკის პროგრამის დირექტორი

კოტე EMC-ის დირექტორთა საბჭოს წევრია და სხვა პროგრამების დირექტორებთან ერთად, ხელმძღვანელობს ორგანიზაციას. ამასთან, ის უშუალოდ პასუხისმგებელია სოციალური პოლიტიკის პროგრამის მართვასა და ეფექტიან მუშაობაზე. პროგრამის  მიზანია დასაქმებულების, უსახლკაროებისა და შეზღუდული შესაძლებლობის მქონე პირების სოციალური და ეკონომიკური ჩაგვრისა თუ გარიყულობის ასპექტების გამოვლენა, მათი მიზეზების იდენტიფიცირება და ადამიანის ღირსებასა და თანასწორობაზე დაფუძნებული სოციალური პოლიტიკის შექმნის და გაძლიერების ხელშეწყობა. კოტე პასუხისმგებელია პროგრამის სტრატეგიულ განვითარებაზე, მისი ხედვისა და დღის წესრიგის შექმნაზე. მის ფუნქციებს ასევე შეადგენს პროგრამის ფინანსური რესურსების მობილიზების უზრუნველყოფა, საქმიანობის კოორდინაცია, გუნდის მართვა და მხარდაჭერა. 

პროფესიული გამოცდილება

2018-2019: მოწვეული მკვლევარი - ოქსფორდის უნივერსიტეტი, დიდი ბრიტანეთი;

2017: მოწვეული მკვლევარი - ბერლინის თავისუფალი უნივერსიტეტი, ბერლინი, გერმანია;

2017-2018: მკვლევარი - სოციალური და კულტურული კვლევების ინსტიტუტი, ილიას სახელმწიფო უნივერსიტეტი.

კოტე ასევე სხვადასხვა დროს ასწავლიდა სამართლის ფილოსოფიას ედინბურგის უნივერსიტეტში, ადამიანის უფლებების თეორიას ილიას სახელმწიფო უნივერსიტეტსა და ივანე ჯავახიშვილის სახელობის თბილისის სახელმწიფო უნივერსიტეტში, ხოლო სამართლის კვლევის მეთოდებს კავკასიის უნივერსიტეტში.

განათლება

2011-2016: ადამიანის უფლებების თეორია (დოქტორის ხარისხი) - ედინბურგის უნივერსიტეტის სამართლის სკოლა (ედინბურგი, დიდი ბრიტანეთი);

2009-2010: LLM (მაგისტრის ხარისხი) ედინბურგის უნივერსიტეტის სამართლის სკოლა (ედინბურგი, დიდი ბრიტანეთი);

2001-2006: სამართალმცოდნეობის ფაკულტეტი (მაგისტრის ხარისხი)- ივანე ჯავახიშვილის სახელობის თბილისის სახელმწიფო უნივერსიტეტი. 

 

მეტი
ელენა ხარაზაშვილი

ელენა ხარაზაშვილი

ორგანიზაციული განვითარების მენეჯერი

ელენე 2016 წლიდან EMC-ის გუნდის წევრია. ის ორგანიზაციული განვითარების მენეჯერის პოზიციას იკავებს და მისი საქმიანობის მთავარი მიმართულებებია - ორგანიზაციის განვითარების სტრატეგიული ხედვის  შემუშავება და მისი სათანადო დანერგვა. ორგანიზაციული მართვის  მონაწილეობითი და ეფექტიანი სისტემის მუშაობის უზრუნველყოფა, მათ შორის, შიდა-საკომუნიკაციო სისტემების მართვა, საკადრო პოლიტიკის აღსრულება და ორგანიზაციის ადმინისტრაციული სამსახურის ხელმძღვანელობა. აგრეთვე, მისი საქმიანობა მოიცავს ორგანიზაციის გარე კომუნიკაციის და პოზიციონირების მონიტორინგს.

პროფესიული გამოცდილება

2016-2018: კომუნიკაციების მენეჯერი - EMC;

2014-2016: კომუნიკაციების მენეჯერი - მედია გამოცემა „ლიბერალი;

2011-2013: გაყიდვებისა და მარკეტინგის მენეჯერი - მედია ჰოლდინგი „დეკომი“ (ჟურნალი „ცხელი შოკოლადი“; ჟურნალი „ლიბერალი“; ჟურნალი „ბიზნესი“);

ის აგრეთვე  საფრანგეთში, სტაჟირების პროგრამების ფარგლებში მუშაობდა 2 სხვადასხვა არასამთავრობო ორგანიზაციაში  კომუნიკაციის მენეჯერის და პროექტების კოორდინატორის ასისტენტის პოზიციაზე.

განათლება

2013-2014: კომუნიკაციის ადმინისტრირება და მენეჯმენტი (მაგისტრის ხარისხი) - ტულუზის უნივერსიტეტი (Capitole 1);

2009-2010: საჯარო მართვა - მართვისა და ბიზნესის ადმინისტრირების ფრანკოფონული ინსტიტუტი/ლიეჟის სახელმწიფო უნივერსიტეტი (მაგისტრის ხარისხი; ბულგარეთი/ბელგია);

2005-2009: ფრანგული ენის ფილოლოგია - ილიას სახელმწიფო უნივერსიტეტი/პოლ-ვალერი მონპელიე 3 (ბაკალავრის ხარისხი, საქართველო/საფრანგეთი).

 

მეტი
სალომე აჩბა

სალომე აჩბა

კომუნიკაციების მენეჯერი

სალომე EMC-ს გუნდს 2018 წლის ნოემბრიდან შემოუერთდა. მისი საქმიანობის მთავარი მიმართულებაა  ორგანიზაციის  კომუნიკაციის სტრატეგიული ხედვის განვითარება და დანერგვა. საქმიანობა მოიცავს საკომუნიკაციო სისტემების მართვასა და გარე კომუნიკაციას მედიასთან და სხვა დაინტერესებულ ჯგუფებთან.

პროფესიული გამოცდილება

2017- დღემდე შავი ზღვის საერთაშორისო უნივერსიტეტი - მიწვეული ლექტორი

2015-2018 მედიაპორტალი Mediachecker.ge - მთავარი რედაქტორი

2013-2018 საქართველოს ჟურნალისტური ეთიკის ქარტია - მედიამონიტორინგის პროექტების მკვლევარი

2010-2013 არასამთავრობო ორგანიზაცია - ადამიანის უფლებათა ცენტრის სასამართლოს მონიტორინგის პროექტის რეპორტიორი. პორტალ Humanrights.ge-ს აღმასრულებელი რედაქტორი.

განათლება

2014-2016 ივ. ჯავახიშვილის სახელობის თბილისის სახელმწიფო უნივერსიტეტის მასობრივი კომუნიკაციისა და მედიის კვლევის სამაგისტრო პროგრამა. მასობრივი კომუნიკაციის მაგისტრის ხარისხი მედიის კვლევებში.

2006-2010 ივ. ჯავახიშვილის სახელობის თბილისის სახელმწიფო უნივერსიტეტის, სოციალურ-პოლიტიკურ მეცნიერებათა ფაკულტეტის ჟურნალისტიკის სპეციალობა. ბაკალავრის ხარისხი.

+995 593 73 75 03

მეტი
ანასტასია რაიკი

ანასტასია რაიკი

კომუნიკაციების სპეციალისტი

ანასტასია EMC-ს გუნდს 2019 წლის მარტიდან შემოუერთდა. მისი საქმიანობა მოიცავს ორგანიზაციის სოციალური მედია პლატფორმების და ვებ-გვერდის ადმინისტრირებას, მედიამონიტორინგის განხორციელებას, ღონისძიებების დაგეგმვაში მონაწილეობას. ასევე, ჩართულია ორგანიზაციის პუბლიკაციების და მულტიმედია პროდუქტების მომზადების პროცესში.

პროფესიული გამოცდილება

2019 მარტი-სექტემბერი: სტაჟირება საზოგადოებასთან ურთიერთობის მიმართულებით - „ადამიანის უფლებების სწავლებისა და მონიტორინგის ცენტრი“ (EMC)

10/2018-03/2019: ჟურნალისტი - ტელეკომპანია "იმედი" (სტაჟირება)

04/2018-09/2018: ჟურნალისტი - On.ge (სტაჟირება)

განათლება

2019-დღემდე: საზოგადოებრივი ურთიერთობები (მაგისტრატურა) - ილიას სახელმწიფო უნივერსიტეტი;

10/2019-12/2019: ეკონომიკური მედიასკოლა - არასამთავრობო ორგანიზაცია „საზოგადოება და ბანკები“;

03/2018-07/2018: ქარტიის მედიასკოლა - საქართველოს ჟურნალისტური ეთიკის ქარტია;

2015-2019: სოციალური მეცნიერებების ბაკალავრი ჟურნალისტიკის სპეციალობით - ივანე ჯავახიშვილის სახელობის თბილისის სახელმწიფო უნივერსიტეტი.

მეტი
დეა ჟღენტი

დეა ჟღენტი

ფინანსური მენეჯერი

დეა EMC-ის გუნდის წევრი 2015 წლის მაისიდან გახდა. მისი მთავარი ამოცანაა ორგანიზაციის ფინანსური საქმიანობის ხელმძღვანელობა, მისი დაგეგმვა, აღსრულება და ანალიზი. მისი საქმიანობა  ასევე მოიცავს ორგანიზაციის ფინანსური და მატერიალური რესურსების აღრიცხვას და დონორ ორგანიზაციებთან და სახელმწიფოსთან ანგარიშგებას. აგრეთვე, ორგანიზაციის ფინანსური საჭიროებების იდენტიფიცირებას და მათი მობილიზების პროცესში მონაწილეობას.

პროფესიული გამოცდილება

2008-2015: უფროსი კონსულტანტი - საბუღალტრო აღრიცხვის აუთსორსინგის განყოფილება -  აუდიტორული კომპანია ბიდიო (BDO);

2006-2008: ბუღალტერის ასისტენტი - შპს პოულტრი ჯორჯია.

განათლება

2009-დღემდე: პროფესიონალ ბუღალტერთა ინსტიტუტი (ACCA) – F1-F6;

2000-2004:  მიკროეკონომიკა და მენეჯმენტი - სახელმწიფო და მუნიციპალური მართვა (ბაკალავრი) - თბილისის ივანე ჯავახიშვილის სახელობის სახელმწიფო უნივერსიტეტი.

მეტი

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“