ბოლო წლებში, პანკისის ხეობაში ორი ჰესი-"ხადორი 1" და "ხადორი 2" აშენდა. როგორც ადგილობრივები ამბობენ, ჰესებმა ხეობის ეკოსისტემას გამოუსწორებელი ზიანი მიაყენა. მომავალში, ხეობაში დამატებით სამი ჰესის მშენებლობა იგეგმება - "ხადორი 3"-ის, "სამყურისწყალი 1" და "სამყურისწყალი 2"-ს. "ხადორი 3"-ის მშენებლობაზე ნებართვა უკვე გაცემულია, თუმცა კომპანიას სამშენებლო სამუშაოები ადგილობრივი მოსახლეობის წინააღმდეგობის გამო შეჩერებული აქვს.

მწვანე აქტივისტები და ექსპერტები EMC-ს მიერ მომზადებულ ვიდეომასალაში მსჯელობენ იმ ეკოლოგიურ თუ სოციალურ ზიანზე, რაც პანკისის ხეობაში დაგეგმილი ჰესების კასკადის მშენებლობას მოჰყვება.