[Skip to Content]
ENG
ENG

სიახლეების გამოწერა

ჩვენი გუნდი

მარიამ მხატვარი

მარიამ მხატვარი

იურისტი/მკვლევარი

მარიამი EMC-ში  2016 წლის მარტიდან მუშაობს. მისი მთავარი საქმიანობაა სასამართლო სისტემის მონიტორინგი და მასთან დაკავშირებულ საკითხებზე კვლევების განხორციელება. მისი საქმიანობის სფერო ასევე მოიცავს უსაფრთხოების სექტორისა და სამართალმდაცავი ორგანოების მუშაობის, მათი ინსტიტუციური დამოუკიდებლობის, ორგანიზაციული მოწყობის საკითხების კვლევას. მარიამი მონაწილეობს ანგარიშების/კვლევების მომზადებაში, კვლევისას გამოვლენილი ხარვეზების გათვალისწინებით საკანონმდებლო ცვლილებების და ინსტიტუციური რეფორმების შესახებ პოლიტიკის დოკუმენტების შექმნაში. გარდა ამისა, მარიამი აწარმოებს სტრატეგიულ საქმეებს საერთო სასამართლოებში.

პროფესიული გამოცდილება

2014-2016: მოწვეული სპეციალისტი - სახელმწიფო საკონსტიტუციო კომისია - საქართველოს პარლამენტი;

2012-2013: სასამართლო პრაქტიკის მკვლევარი - საქართველოს იუსტიციის სამინისტრო;

2011-2012: პროგრამის ასისტენტი - ევროპის ფონდი.

განათლება

2014-2016: საჯარო სამართალი (მაგისტრატურა) - ივანე ჯავახიშვილის სახელობის თბილისის სახელმწიფო უნივერსიტეტი;

2009-2013: სამართლმცოდნეობა (ბაკალავრი) - ივანე ჯავახიშვილის სახელობის თბილისის სახელმწიფო უნივერსიტეტი

 

მეტი
ანი ნასრაშვილი

ანი ნასრაშვილი

სისხლის სამართლის ადვოკატი

ანი EMC-ის გუნდს 2016 წლის აპრილიდან შემოუერთდა. მისი მთავარი საქმიანობაა სისხლის სამართლის და ადმინისტრაციული სამართალდარღვევების საქმეების წარმოება და საადვოკატო დახმარების გაწევა დაზარალებულების, ბრალდებულებისა და ადმინისტრაციული წესით დაკავებული პირებისთვის. ანის საქმიანობის სფეროები მოიცავს პოლიციის მიერ უფლებამოსილების/ძალის გადამეტების შედეგად, ასევე, მოქმედი ნარკოპოლიტიკისა და ზოგადად, სამართალდამცავი ორგანოების საქმიანობის შედეგად დაზარალებული პირების სამართლებრივ დახმარებას. იგი ამავდროულად დაკავებულია სისხლის სამართლის მართლმსაჯულების სფეროში კვლევითი საქმიანობით.  ამ მიზნით ამზადებს მონიტორინგის ანგარიშებს, პოლიტიკის დოკუმენტებს და ჩართულია საკანონმდებლო ინიციატივების მომზადების პროცესში.

პროფესიული გამოცდილება 

2013-2014: იურისტი - იუსტიციის სამინისტროს გენერალური ინსპექცია;

2012-2013: სასამართლოს მონიტორი - საერთაშორისო გამჭვირვალობა საქართველო.

ის აგრეთვე  გერმანიაში, სტაჟირების პროგრამის ფარგლებში მუშაობდა კელნის უნივერსიტეტის კრიმინოლოგიის ინსტიტუტის მკვლევარის პოზიციაზე.

განათლება

2014-2016: კრიმინოლოგიის და საერთაშორისო სისხლის სამართალი (მაგისტრატურა) - კელნის უნივერსიტეტი (გერმანია);

2009-2013: სამართლმცოდნეობა (ბაკალავრი) - ივანე ჯავახიშვილის სახელობის თბილისის სახელმწიფო უნივერსიტეტი.

მეტი
თამარ გვასალია

თამარ გვასალია

იურისტი/მკვლევარი

თამარი EMC-ში 2017 წლის ნოემბრიდან მუშაობს. მისი საქმიანობა უკავშირდება სისხლის სამართლის მართლმსაჯულების და სამართალდამცავი ორგანოების ინსტიტუციური მოწყობის საკითხებზე კვლევების და ანგარიშების მომზადებას, ადამიანის უფლებების დაცვის საერთაშორისო მექანიზმების ფარგლებში განვითარებული სტანდარტების და რელევანტური საერთაშორისო გამოცდილების შესწავლას. თამარი ასევე მონაწილეობს რეფორმის საკითხებზე პოლიტიკის დოკუმენტების და საკანონმდებლო ინიციატივების მომზადებაში.

პროფესიული გამოცდილება

2015-2017: იურიდიული დეპარტამენტის პარლამენტთან ურთიერთობისა და სამართალშემოქმედებითი სამმართველოს იურისტი - საქართველოს გარემოსა და ბუნებრივი რესურსების დაცვის სამინისტრო;

2014-2015: სპეციალური წარმომადგენელი -  საქართველოს სამოქალაქო ინტეგრაციის ცენტრი;

2012-2014: სპეციალისტი - საქართველოს სასჯელაღსრულებისა და პრობაციის სამინისტროს სასჯელაღსრულების დეპარტამენტი.

განათლება

2016-დღემდე: იურიდიული ფაკულტეტის დოქტორანტი სისხლის სამართლის მიმართულებით- ივანე ჯავახიშვილის სახელობის თბილისის სახელმწიფო უნივერსიტეტი;

2013-2015: სისხლის სამართალის მაგისტრი - კავკასიის უნივერსიტეტი, კავკასიის სამართლის სკოლა;

2007-2011: სამართლის ბაკალავრი - ივანე ჯავახიშვილის სახელობის თბილისის სახელმწიფო უნივერსიტეტი.

 

მეტი
სოფო ვერძეული

სოფო ვერძეული

მართლმსაჯულების და დემოკრატიის პროგრამის დირექტორი

სოფო EMC-ის დირექტორთა საბჭოს წევრია და სხვა პროგრამების დირექტორებთან ერთად ხელმძღვანელობს ორგანიზაციას. სოფო EMC-ის გუნდის წევრი 2013 წლის სექტემბერში გახდა და ამჟამად დემოკრატიისა და მართლმსაჯულების პროგრამის დირექტორია. პროგრამის საქმიანობის მიზანია ადამიანის უფლებებზე დაფუძნებული, სამართლიანი და მაღალი სოციალური მგრძნობელობის მართლმსაჯულების სისტემების შექმნის ხელშეწყობა, ამ მიზნით კი სასამართლოში, სამართალდამცავ ორგანოებსა და უსაფრთხოების სექტორში სისტემური რეფორმების ადვოკატირება. მისი, როგორც პროგრამის დირექტორის საქმიანობა მოიცავს პროგრამის პოლიტიკის, სტრატეგიისა და პოზიციონირების დაგეგმვას და პროგრამის გუნდთან ერთად განხორციელებას. ასევე, პროგრამის საქმიანობის ორგანიზებას, ფინანსური რესურსების მობილიზების უზრუნველყოფას, პროგრამის გუნდის კოორდინირებას და მათ მხარდაჭერას.

პროფესიული გამოცდილება

2013-2015: პროექტების კოორდინატორი - ადამიანის უფლებების სწავლებისა და მონიტორინგის ცენტრი (EMC);

2012-2013: პროექტის კოორდინატორიი - „მართლმსაჯულების სექტორის რეფორმირება“ საქართველოს ადვოკატები დამოუკიდებელი პროფესიისთვის (GLIP);

2009-2012: ამ პერიოდში მუშაობდა სხვადასხვა პოზიციაზე (იურისტი, პროექტის კოორდინატორი დასაპარლამენტო მდივნი) - საქართველოს ახალგაზრდა იურისტთა ასოციაცია.

სოფო არის 10-მდე კვლევის ავტორი/ხელმძღვანელი, რომელიც სასამართლო სისტემის დამოუკიდებლობის შეფასებას, ნარკოპოლიტიკას, პოლიციის პოლიტიკურ ნეიტრალიტეტსა და სამართალდამცავი ორგანოების ინსტიტუციური მოწყობის საკითხებს შეეხება.

განათლება

2010-2012: საერთაშორისო სამართლის მაგისტრი - საქართველოს საზოგადოებრივ საქმეთა ინსტიტუტი (GIPA);

2006-2010: სამართალმცოდნეობის ბაკალავრი - ქართულ-ამერიკული უნივერსიტეტი (GAU).

მეტი
გურამ იმნაძე

გურამ იმნაძე

პროექტების კოორდინატორი/იურისტი

გურამი 2013 წლიდან EMC-ში მუშაობს. მისი საქმიანობა მოიცავს ქვეყანაში მოქმედი სისხლის სამართლის პოლიტიკის, ნარკოპოლიტიკის, უსაფრთხოების სექტორისა და სამართალდამცავი უწყებების ინსტიტუციური მოწყობის  და საქმიანობის შესწავლას. აგრეთვე, ჩართულია კვლევით საქმიანობაში და  ინსტიტუციური რეფორმის საკითხებზე პოლიტიკის დოკუმენტების შექმნაში.  პოლიტიკის ცვლილების მიზნით ადვოკატირების  და საზოგადოებრივ ჯგუფებთან თანამშრომლობის პროცესებში მონაწილეობს და ახორციელებს სტრატეგიულ სამართალწარმოებას საკონსტიტუციო სასამართლოში. გურამი, ასევე  უზრუნველყოფს შესაბამის სფეროებში მიმდინარე პროექტების კოორდინირებას.

პროფესიული გამოცდილება

2016-2017: პროექტის დირექტორი “ნარკოპოლიტიკის კვლევა საქართველოში “ – Human Rights Watch;

2013–2015: იურისტი/მკველვარი - ადამიანის უფლებების სწავლებისა და მონიტორინგის ცენტრი (EMC).

განათლება 

2011-2013: სისხლის სამართლის სამაგისტრო პროგრამა - თბილისის ივანე ჯავახიშვილის სახელობის სახელმწიფო უნივერსიტეტი;

2009-2013: სამართალმცოდნეობა (ბაკალავრი) - თბილისის ივანე ჯავახიშვილის სახელობის სახელმწიფო უნივერსიტეტი.

 

მეტი

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“